Author Topic: अर्धा डाव ..  (Read 1206 times)

Offline विक्रांत

  • Hero Member
  • *****
  • Posts: 1,539
अर्धा डाव ..
« on: October 02, 2013, 03:13:08 PM »
चाळीस पन्नाशीच्या वयात
स्थिरावल्या संसारात
एकदिवस अचानक
जेव्हा त्याला कळते
संपू आला डाव आता
पुढे जायचे एकटे
जुळलेल्या सुरातले
गाणे हरवून जाते
एक जिनसी पिळातली
वीण सुटू लागते
त्याला तर मुळी सुद्धा
एकटे जायचे नसते
तिलाही कधी सुद्धा
एकटे राहायचे नसते

किमोची ती आवर्तने
वाया गेलेली असतात
आजाराची बीजे त्या
खोलवर रुजली असतात
आशा निराशेत झुलतांना
साठवलेली पै पै
उपचारात घालवतांना
सारी शक्ती हरवूनही
लाचार नसते ती
सारे काही विकायला
रस्त्यावर राहायला
तयार असते ती
याला आता काही सुद्धा
अर्थ उरला नाही
हे त्याला पक्केपणी
कळलेले असते
त्याने आपले प्राक्तन
स्वीकारले असते

एके दिवशी सकाळी
ती कामाला निघते
तो तिचा हात घट्ट धरतो
अन तिला विनवू लागतो
प्लीज तू जावू नको
आता फक्त तुझी
सोबत तेवढी राहू दे
बस तुला बघत बघत
उरले जीवन जगू दे

ती आतून एकदम खचते
वरवर त्याला समजावते
बरेच काही बोलते
खोटे खोटे रागावते
पण त्याचा हट्ट
काही केल्या सुटत नाही
तीच त्याची आर्जवे
काही केल्या मिटत नाही

शेवटी ती रजा टाकते
तिच्यासाठी जगणे तर
अजूनही अवघड होते
हळू हळू तो झिजत असतो
तिला पाहून रडत असतो
तरीही तिच्या सहवासात
त्याला आधार मिळत असतो
एक दिवस ती घटना घडते 
विस्कटलेले विश्व तिचे
उजाड होवून जाते
त्याचे भोगणे संपते
तिचे सुरु होते


 विक्रांत प्रभाकर             
« Last Edit: April 19, 2014, 12:49:10 AM by MK ADMIN »

Marathi Kavita : मराठी कविता

अर्धा डाव ..
« on: October 02, 2013, 03:13:08 PM »

Download Free Marathi Kavita Android app

Join Marathi Kavita on Facebook

Offline shashaank

  • Full Member
  • ***
  • Posts: 558
  • Gender: Male
Re: अर्धा डाव ..
« Reply #1 on: October 02, 2013, 04:07:11 PM »
केवळ ह्रदयस्पर्शी ....
कॅन्सरने त्रस्त असलेल्याचे विश्व व त्याचा जोडीदार - बिचारे कसे जगत असतील ? या दुखण्याला कसे तोंड देत असतील कोण जाणे ????

Offline vaishali dhanvijay

  • Newbie
  • *
  • Posts: 2
Re: अर्धा डाव ..
« Reply #2 on: October 02, 2013, 05:17:02 PM »
most touching

Offline विक्रांत

  • Hero Member
  • *****
  • Posts: 1,539
Re: अर्धा डाव ..
« Reply #3 on: October 06, 2013, 09:48:24 PM »
धन्यवाद शशांक ,वैशाली .
या दुर्दैवी घटनेचा एक साक्षीदार होतो मी .जीवन खरच कठोर भासते तेव्हा .

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
दोन अधिक पाच किती ? (answer in English number):