Author Topic: विरहिणी झुरते  (Read 607 times)

Offline nishikantshrotri

  • Newbie
  • *
  • Posts: 2
विरहिणी झुरते
« on: March 18, 2014, 12:42:43 PM »
पेंगुळलेल्या रात्री या का समया तेजावल्या
विरहिणी झुरते इथे एकली कलिका पाणावल्या ||धृ||

लाटेवरूनी फेस येतसे अंगांगा भिजवाया
लहरींवरुनी गंध विहरतो गात्रांना फुलवाया
मनिच्या उर्मी विरसुनी गेल्या तुझिया स्पर्शाविना
विरहिणी झुरते इथे एकली कलिका पाणावल्या
                                  आज का कलिका पाणावल्या?||१||

भ्रमारस्पर्शा कलिका येथे कितीक आसूसल्या
पौर्णिमेच्या रात्री या चन्द्राविण कोमेजल्या
फुलती स्वप्ने सुकून गेली विरुनी जायाला
विरहिणी झुरते इथे एकली कलिका पाणावल्या
                                  आज का कलिका पाणावल्या?||२||

चक्रवाकही आर्त जाहला चोची या सुकलेल्या
शुष्क सरिता फाटून गेली सागर दुरावला
जीवन आशा एक राहिली अखेर गाठायला
विरहिणी झुरते इथे एकली कलिका पाणावल्या
                                  आज का कलिका पाणावल्या?||३||

निशिकांत श्रोत्री रचित
शब्दांची वादळे या काव्यसंग्रहातून



Marathi Kavita : मराठी कविता

विरहिणी झुरते
« on: March 18, 2014, 12:42:43 PM »

Download Free Marathi Kavita Android app

Join Marathi Kavita on Facebook

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
दोन अधिक पाच किती ? (answer in English number):