Author Topic: चुकलेल्या सुरांचं गाणं  (Read 1045 times)

Offline विक्रांत

  • Hero Member
  • *****
  • Posts: 1,550
चुकलेल्या सुरांचं गाणं
« on: November 28, 2014, 10:21:40 PM »

माणसं जपायचं कसब
माझ्यात कधीच नव्हत
प्रवाहावर वाहणं माझं
उगाच जगण होतं
मी मित्र मिळवले नाही
मित्रांनी मला मिळवलं
काहींनी टिकवलं
काहींनी सोडून दिलं .
या सुटण्या धरण्याच्या खेळात
वाईट एकाच गोष्टीचं वाटतं
ज्यांना खरच
हृदयापासून जपायचं होतं
त्यांनाच मन दुखवत गेलं
मन असं का असतं
मनाला खरच काय हवं असतं
मला कधीच नाही कळलं
पण  चुकलेल्या सुरांचं
जीवन एक गाणं झालं

विक्रांत प्रभाकर

« Last Edit: November 29, 2014, 08:16:49 PM by MK ADMIN »

Marathi Kavita : मराठी कविता