Author Topic: मनावरी वळ जरी  (Read 813 times)

Offline विक्रांत

  • Hero Member
  • *****
  • Posts: 1,550
मनावरी वळ जरी
« on: December 24, 2014, 09:43:34 PM »
काही शब्द फक्त इथे
बाकी सारे जग रिते
नव्हतेच माझे कधी
जपलेले काही कुठे

दिसभर मनामध्ये
रुणझुण वाजणारे
रातभर कानामध्ये
किणकिण करणारे

वाटतात भास होते
उभा जन्म वागवले
शोधुनीही सापडेना
धागे काही जुळलेले

मनावरी वळ जरी
वेदनाही भ्रम वाटे
पोकळीत नसण्याच्या
जाणीवेचा नाद आटे

तरंगतो काळ काही
मिटलेल्या मनावरी
त्याच त्याच प्रेतयात्रा
वाहतो नि खांद्यावरी

काजळल्या वातीसवे
जाणण्याची आस खुंटे
सावलीचे भिंतीवरी
उमटून चित्र मिटे

विक्रांत प्रभाकर

« Last Edit: December 26, 2014, 06:42:02 PM by MK ADMIN »

Marathi Kavita : मराठी कविता