Author Topic: मनातून या ती गेली नाही  (Read 1064 times)

Offline विक्रांत

  • Hero Member
  • *****
  • Posts: 1,550
मनातून या ती गेली नाही
« on: February 11, 2015, 07:20:24 PM »
अजून आशा संपली नाही
अजून चिता पेटली नाही
लोचट स्वप्न रेंगाळलेले
मनातून या ती गेली नाही

किती उधळू जीवन गाणं
जगण्या काया विटली नाही
मनात प्रीत वेल अमर
ओल कधीच जळली नाही 

येईल सखी वा न येईल
नजर वेडी थकली नाही
देहाचीच या वाट जाहली
अन प्रतिक्षा सरली नाही

कठीण असते वाट प्रेमाची
भिणाऱ्यास ती कळली नाही
उगा करणे हिशोब काही
अरे रीत ती इथली नाही

विक्रांत प्रभाकर
 
« Last Edit: February 26, 2015, 01:16:40 PM by MK ADMIN »

Marathi Kavita : मराठी कविता