Author Topic: स्मृती धुनी  (Read 795 times)

Offline विक्रांत

  • Hero Member
  • *****
  • Posts: 1,550
स्मृती धुनी
« on: April 30, 2015, 09:31:57 PM »
अजूनही माझ्या मनी
गुंजतात तीच गाणी
अडकल्या श्वासातुनी
शब्द येतात धावुनी

येणार ना जरी इथे
परतुनी कधी कुणी
व्याकुळतो प्राण माझा
कासावीस कोंदाटुनी

सांजवेळी पक्षी जाती
घरोट्यात परतुनी
पारावरी उदास मी 
दिशा घेती वेटाळूनी
 
दिलीस का ओढ अशी 
आस मनी जागवुनी
होवूनिया स्मृती धुनी
जाळतेय क्षणोक्षणी

इवलाले कवडसे
जाती मनी चमकुनी
मिटतात पापण्या नि 
येते आकाश भरुनी

विक्रांत प्रभाकर
http://kavitesathikavita.blogspot.in/



Marathi Kavita : मराठी कविता