Author Topic: माझी माय....  (Read 1975 times)

Offline Madhu143

  • Newbie
  • *
  • Posts: 26
माझी माय....
« on: September 30, 2011, 04:54:08 PM »
माझी माय....

हंबरून वासराले चाटती
जवा गाय ,
तवा मले तिच्यामंदी
दिसती  माझी माय ,
दिसती  माझी माय...

        आया बाया सांगत होत्या
        होतो जवा  तान्हा ,
        दुष्काळात मायेचा माझ्या
        आटला होता पाणा ,
        पिठामंदी, पिठामंदी पाणी
        टाकून मले पाजत जाय,
        तवा मले पिठामंदी
        दिसती  माझी माय,
        दिसती  माझी माय...

कण्या काट्या येचायाला
माय जाई रानी ,
पायात नसे वाहन तिच्या
फिरे अनवाणी ,
काट्याकुट्यालाही   तिचं
मानत नसे पाय ,
तवा मले काट्यामंदी
दिसती  माझी माय ,
दिसती  माझी माय.....

         बाप माझा रोज लावी
        मायीच्या  माग टुमण ,
        बास झाल शिक्षण आता
        घेवुदी हाती काम ,
        आग शिकून शान कुठ मोठा
        मास्तर होणार हाय ,
        तवा मले  मास्तरमंदी
        दिसती  माझी माय
        दिसती  माझी माय.....

दारू पिऊन मायेला मारी
जवा माझा बाप ,
थरथर कापे अन
लागे तिला धाप ,
कसायाच्या  दावणीला
बांधली जशी गाय ,
तवा मले गायीमंदी
दिसती  माझी माय ,
दिसती  माझी माय.....

         अन बोलता बोलता
        एकदा तिच्या  डोळ्या आलं पाणी ,
        सांग म्हणे राजा
        कवा दिसलं तुझी राणी ,
        भरल्या डोळ्यान कवा
        पाहीन दुधावरची साय ,
        तवा मले सायीमंदी
        दिसती  माझी माय ,
        दिसती  माझी माय....

अग म्हणून म्हणतो आनंदाने
भरावी तुझी वटी ,
पुन्हा एकदा जन्म घ्यावा
माये तुझ्या पोटी ,
तुझ्या चरणी ठेऊन माया
धराव तुझ पाय ,
तवा मले पायामंदी
दिसती  माझी माय ,
दिसती  माझी माय....!



                           
« Last Edit: September 30, 2011, 05:01:38 PM by Madhu143 »

Marathi Kavita : मराठी कविता

माझी माय....
« on: September 30, 2011, 04:54:08 PM »

Download Free Marathi Kavita Android app

Join Marathi Kavita on Facebook

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
पाच अधिक नाऊ अधिक शून्यं  किती ? (answer in English number):