Author Topic: सय..  (Read 891 times)

Offline shashaank

  • Full Member
  • ***
  • Posts: 558
  • Gender: Male
सय..
« on: February 10, 2012, 08:53:09 AM »
सय..

घरातून दूर जाता
सय घरट्याची येई
सय मावेना मनात
डोळ्यातून मुक्त वाही

सय येई चिमण्यांची
सय बाग गुलाबाची
सय होऊनी असह्य
ऊराचाची वेध घेई

जिवलगाचीही सय
वेळ साधूनिया घेई
मखमली क्षण सारे
नभ झाकोळून जाई

रान ओले पाहताना
मन चिंब होत राही
चैत्रपल्लवी फुलता
मनवेडे अंकुरेही

दिठी शोधतसे साथ
रान घाटमाथ्यातून
येई सामोरी साथीला
काटेसावरी फुलून...

- शशांक पुरंदरे.
« Last Edit: May 23, 2012, 03:18:48 PM by shashaank »

Marathi Kavita : मराठी कविता