Author Topic: पण तरीही म्हणे, " 'तुम्हीचं मराठी लोकं' भाषावाद आणि प्रांतवाद करता!"  (Read 3283 times)

Offline प्रसाद

  • Newbie
  • *
  • Posts: 3
पण तरीही म्हणे, " 'तुम्हीचं मराठी लोकं' भाषावाद आणि प्रांतवाद करता!"
अहो गृहमंत्री,दिल्लीत बसून तुम्ही काय करता?
हेच गृहमंत्री म्हणतात,
   "दक्षिणेतील राज्ये भारताचा विकास करतात,
     आणि उत्तरेतील राज्ये हाच विकास रोखतात"
हे ते स्वतःच बोलतात,कारण कदाचित त्यांच्याकडे ह्याला देश जोडणे बोलतात,
आणि म्हणे, " 'तुम्हीचं मराठी लोकं' भाषावाद आणि प्रांतवाद करता!"
 
दक्षिणेतल्या राज्यातले लोकं हिंदीला दुय्यम स्थान देतात,
ही राष्ट्रभाषा नीट शिकण्याकडेही दुर्लक्ष करतात,
आपल्यासारखे मराठी तिथे जाऊन हेच अनुभवतात,
तेव्हा सगळे गप्पच बसतात,
आणि पुन्हा म्हणे," 'तुम्हीचं मराठी लोकं' भाषावाद आणि प्रांतवाद करता!"
 
मराठीला योग्य स्थान देण्याचा तो यशस्वी प्रयत्न होता,
हिंदीला धुडकारण्याचा विचारही आमच्या मनात नव्हता.
मराठी माणसाच्या प्रगतीसाठी केलेला नवनिर्माणाचा तो एक ध्यास होता,
 देश तुटण्याचा तर येथे काहीच प्रश्न नव्हता,
पण तरीही म्हणे, " 'तुम्हीचं मराठी लोकं' भाषावाद आणि प्रांतवाद करता!"
 
इतर राज्यातील लोकांना त्यांच्या राज्यात प्रत्येक क्षेत्रात प्रथम स्थान आहे
तसेच  स्थान महाराष्ट्रात  मराठी लोकांनाही मिळू दे,
हेच फक्त आपले 'साहेब' बोलतात,
पण तरीही म्हणे, " 'तुम्हीचं मराठी लोकं' भाषावाद आणि प्रांतवाद करता!"
 
मराठी माणस इतर भाषिकांना महाराष्ट्रात सामावून घेतात,
स्वतःही त्यांच्यात सामील होतात,
प्रसंगी 'शिवाजीराव' हून थेट 'शिवाजी-द BOSS' बनतात,
पण तरीही म्हणे, " 'तुम्हीचं मराठी लोकं' भाषावाद आणि प्रांतवाद करता!"
 
काही महत्वाचे:
१.कवितेच्या चौथ्या आणि पाचव्या वाक्याचा पुरावा:गृहमंत्र्यांचे हे वाक्य विकीलीक्स ने उघड केले आहे.
२.प्रत्येक आंदोलनामागे काहीतरी उद्देश असतो.त्यामुळे मराठीसाठी केलेल्या आंदोलनांवरही  टीका करणाऱ्यांनी थोडा विचार करायला हवा.
३.कवितेच्या शेवटच्या कडव्यात सुप्रसिध्द अभिनेते शिवाजी गायकवाड उर्फ रजनीकांत यांचे नाव फक्त यमक जुळवण्यासाठी लिहिण्यात आले आहे.त्यामुळे त्यांच्या चाहत्यांनी नाराज होऊ नये.! :):)
                                                                                           -प्रसाद वाजे 


लबाड बोका

  • Guest
                                   मनसे च्या आंदोलनावर कविता                             

                                             आम्ही

                                   वागवू नका आम्हास
                                               किड्या मकोड्या परी
                                   अजूनी आमुची जात
                                               मर्द मराठ्याची आहे

                                   समजू नका आम्हास
                                               दुर्बळ आणि विकारी
                                   अजूनी आमुच्या मनागटातील
                                               जोर तसाच आहे

                                   डिवचू नका आम्हास
                                               गप्प आम्ही असलो जरी
                                   अजूनी आमुच्या वाणीला
                                               धार तीच आहे

                                   अडवू नका आम्हास
                                               आमुच्याच भूमीवरी
                                   अजूनी आमुचे रक्त
                                               उसळत तसेच आहे

                                   दाखवू नका आम्हास
                                               लाठ्या आणि पहारी
                                   अजूनी आमुच्या तलवारीचा
                                               वार तसाच आहे

                                   छळू नका आम्हास
                                               सत्तेच्या जोरावरी
                                   अजूनी आमुचा पीळ
                                               होता तसाच आहे

                                   शिकवू नका आम्हास
                                               देशभक्ती नाहीतरी
                                   अजूनी आमुची छाती
                                               निधडी तशीच आहे

                                   विसरू नका आम्हास
                                               आम्ही आग्या मोहोळापरी
                                   अजूनी आमुचा डंख
                                               अगदी तसाच आहे
                                                      --- लबाड बोका

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
नाऊ वजा एक किती ? (answer in English number):