Author Topic: सुखामागे धावता धावता  (Read 2527 times)

Offline Rajesh khakre

  • Jr. Member
  • **
  • Posts: 157
सुखामागे धावता धावता
« on: April 10, 2015, 10:09:53 PM »
सुखामागे धावता धावता पाय दमून गेले
सुख काय आहे ते नाही कळून आले

पैशात सुख मिळेल म्हणून पैसे कमवून पाहिले
लाखो करोडो जमवले पण कमीच वाटत राहिले
पैशाने वस्तु जमवल्या पण समाधान निघुन गेले

घर-दार गाड़ी-बंगला सारं काही घेतले
चार भिंती,चार चाकात सुख कुठे मावले
स्वप्न आणि वास्तवाचे गणित नाही जुळले


प्रतिष्ठा मिळेल म्हणून निवडणूक लढवली
खुर्ची मिळण्यासाठी शक्ति पणाला लावली
पदासोबत मिळेल सुख मनसूबे फोल ठरले

मान मिळावा मोठा म्हणून लोक भोवती जमवले
फायदा करुन स्वतःचा सर्व निघून गेले
स्वार्थी लोक होते सगळे आले तसे गेले


झुळ -झुळणाऱ्या झऱ्याजवळ नाही क्षणभर बसलो
कोसळणाऱ्या पावसात कधी नाही चिंब भिजलो
आकाशातील चांदणे कधीच नाही न्याहाळले

बालकाचे हास्य नाही मनापासून पाहिले
बोबड्या बोलाचे त्याच्या कौतुक नाही केले
मोठा होण्यासाठी बालपण हरून गेले

संगीताचे सुर हल्ली ऐकल्याचे आठवत नाही
चुलीवरची चटणी-भाकर आता स्मरत नाही
मित्रांसंगे कट्ट्यांवरती आता बसणे बंद झाले

फेसबुक अन् वॉट्सऍप वरतीच वेळ निघून जातो
अनोळखी लोकांसोबत तासंतास्  chating करतो
फोन आल्यापासून नातलगांना भेटणे राहून गेले

सुखाच्या शोधात रात्रंदिन असाच हिंडत असतो
पायाखाली तुडवून सुखे जगभर भटकत असतो
जगण्यासाठी जगताना जगणे विसरून गेलो
 
---राजेश खाकरे
Mo.7875438494
rajesh.khakre@gmail.com


Marathi Kavita : मराठी कविता

सुखामागे धावता धावता
« on: April 10, 2015, 10:09:53 PM »

Download Free Marathi Kavita Android app

Join Marathi Kavita on Facebook

shivaji kumbhar

  • Guest
Re: सुखामागे धावता धावता
« Reply #1 on: April 26, 2015, 01:30:02 PM »
Very nice

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
दोन अधिक पाच किती ? (answer in English number):