Author Topic: देणार्याने देत जावे... विंदा करंदीकर  (Read 3202 times)

Offline Shyam

  • Jr. Member
  • **
  • Posts: 214
  • Gender: Male

देणार्याने देत जावे;
घेणार्याने घेत जावे.

हिरव्यापिवळ्या माळावरून
हिरवीपिवळी शाल घ्यावी,
सह्याद्रीच्या कड्याकडून
छातीसाठी ढाल घ्यावी.

वेड्यापिशा ढगाकडून
वेडेपिसे आकार घ्यावे;
रक्तामधल्या प्रश्नांसाठी
प्रुथ्वीकडून होकार घ्यावे.

उसळलेल्या दर्याकडून
पिसाळलेली आयाळ घ्यावी;
भरलेल्याश्या भीमेकडून
तुकोबाची माळ घ्यावी

देणार्याने देत जावे;
घेणार्याने घेत जावे;
घेता घेता एक दिवस
देणार्याचे हात घ्यावे !

- विंदा करंदीकर

Marathi Kavita : मराठी कविता


Poonam special

  • Guest
 :)Khup chaan,shevtchya kadvyat jivanacha saar samavla aahe