Author Topic: कळतंय पण वळतंच नाही  (Read 2340 times)

Offline बाळासाहेब तानवडे

  • Jr. Member
  • **
  • Posts: 160
  • Gender: Male
  • जगा आणि जगू द्या...
कळतंय पण वळतंच नाही
« on: December 29, 2011, 07:43:10 PM »
कळतंय पण वळतंच नाही


अभ्यासाचं असाव कर्तव्य आध्य.
होईल जीवनात सार कांही साध्य.
गुंजतो हा संदेश सदा दिशा दाही.
सालं कळतंय सारं , पण वळतंच नाही.

आळसाशी नसाव कदापी मैत्र.
तयान जीवनाचं बिघडत सूत्र.
प्रगतीचा मार्ग मग खुंटतच जाई.
सालं कळतंय सारं , पण वळतंच नाही.

वेळेच महत्व पार पैशांसमान.
जर पाळलं तयाच व्यवस्थापन.
करून वेळेत होईल सारच सही.
सालं कळतंय सारं , पण वळतंच नाही.

असेल व्यायाम,प्राणायाम, योग नित्य.
मन:शांती सुआरोग्याची नसेल खंत.
मग बुवा अन वैध्यांची फिकीरच नाही.
सालं कळतंय सारं , पण वळतंच नाही.

आता वाईट सवयींची गुलामी सोडू,
अन गांभीर्याशी नित्य नात जोडू. 
मग कधी म्हणायची गरजच नाही.
सालं कळतंय सारं , पण वळतंच नाही.

कवी :बाळासाहेब तानवडे


© बाळासाहेब तानवडे – २९/१२/२०११
http://kavyarangmaze.blogspot.com/

Marathi Kavita : मराठी कविता