Author Topic: असा मी स्वच्छंदी माणूस  (Read 1701 times)

Offline gurjar.makarand

  • Newbie
  • *
  • Posts: 3
गडगडाटी मेघा कितीही, धाड धरेवर गारांचा पाऊस,
भ्याड नसे मी, नसे पळपुटा, असा मी स्वच्छंदी माणूस ||धृ||
 

थयथयाती विजे किती तू, नाच ती विक्राळून काया,
डळमळणारा नसे कधी मी, छेदी ना भय कधी हृदया.
काय काजव्यापरी तेवती, हा तुझा प्रकाश केविलवाणा,
तिमिरासही धाडून दिधले, मी त्या यमसदनाला.
उगा नको ते नेत्र फाडू तू, पडेल तव त्या अश्रूंचा पाऊस,
भ्याड नसे मी, नसे पळपुटा, असा मी स्वच्छंदी माणूस ||१||
 
का किंचाळसी तू कोण कोठला, असे चक्रवात,
हिम्मत साठव, मग धाव रे, करण्या तू मम घात.
भरले खच्चून कापर सध्या, तव सापळ अंगी,
पळ काढशील क्षणात टाकून, मज सामोरी नांगी.
उगा कशाला व्यर्थ मनी ती, पोक्त दर्पोक्तीची हौस,
भ्याड नसे मी, नसे पळपुटा, असा मी स्वच्छंदी माणूस. ||२||
 
 
क्षणभर डुंबून जा तू सागरा, डोही आनंदाच्या,
मिळो क्षणिक क्षण फुगण्या, तव त्या गर्वाचा भाता,
बंद करू दे, द्वार तुझे ते, त्या लाटांना अफाट,
ठाव असे मज, त्यात कशी ती, काढायची वाट,
घालू दे त्या लाटांना वेड्या, मनसोक्त हैदोस,
भ्याड नसे मी, नसे पळपुटा, असा मी स्वच्छंदी माणूस ||३||
  कवी : मकरंद गुर्जर

 

Marathi Kavita : मराठी कविता


Download Free Marathi Kavita Android app

Join Marathi Kavita on Facebook

Offline केदार मेहेंदळे

  • Hero Member
  • *****
  • Posts: 2,674
  • Gender: Male
  • मला कविता शिकयाचीय ...
Re: असा मी स्वच्छंदी माणूस
« Reply #1 on: January 27, 2012, 04:18:49 PM »
jabbardast.....

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
एक गुणिले दहा किती ? (answer in English number):