Author Topic: ऊठ माणसा ऊठ  (Read 2558 times)

Offline SANJAY M NIKUMBH

  • Full Member
  • ***
  • Posts: 502
ऊठ माणसा ऊठ
« on: August 02, 2012, 10:33:53 PM »
एवढ्या मोठ्या चंद्राला झाकोळण्याची
सूर्याच्या प्रकाशालाही अडवण्याची
येते कुठून हिम्मत
एवढ्याशा या ढगात   
नाजूक असूनही पाकळ्या
भुंग्याला त्यात अडकवण्याची
ताकद कुठून येते
छोट्याशा फुलात
बलाढ्य हत्तीलाही नामोहरम करण्याच
सुचत कस मुंगीला
शिरून त्याच्या कानात
यावरून एकच दिसत
इवल्याशा गोष्टीतही सामर्थ्य असत
पण त्याची जाणीव यायला हवी मनात
मग माणसा तूच का रहातो शांत
तू पेटून का नाही उठत
जे सत्याच्या मार्गाने जातात
त्यांच्यापाठी का नाही चालत
असत्य अन अहंकाराच सिंहासन
कायम पोकळच असत
सत्य न न्यायासाठी झगडून
त्यास हलवायच असत
मान्य आहे सत्याला
खूप सहन कराव लागत
जेव्हा होतो सत्याचा विजय
मनामनात हसू पसरत
ऊठ माणसा ऊठ
स्वतःस सामान्य समजू नकोस
तुझ्यातही आहे अचाट  सामर्थ्य
ते न वापरता  मरु नकोस .
« Last Edit: August 05, 2012, 10:09:15 PM by sanjay333 »

Marathi Kavita : मराठी कविता


sujitmane

  • Guest
Re: ऊठ माणसा ऊठ
« Reply #1 on: August 03, 2012, 03:58:26 PM »
it's nice dear