Author Topic: आमची प्रेरणा - संदीप खरे यांची 'आता पुन्हा पाउस येणार' ही कविता  (Read 1317 times)

Offline somnathjagtap

  • Newbie
  • *
  • Posts: 1
आमची प्रेरणा - संदीप खरे यांची 'आता पुन्हा पाउस येणार' ही कविता

आता पुन्हा बॉम्बस्फोट होणार , घरादाराच्या चिंधड्या होणार,
सरकार किती परदेशी गेले ते शोधणार, रिक्षावाले गेले याचा विसर पडलेला असणार ,
अमेरिका संध्याकाळी निषेध करणार , सकाळीच त्यांनी 'पाक' ला शस्त्रे विकलेली असणार ,
इकडे पाटील कपडे बदलणार, देशमुख चित्रपट काढणार ,
'बाबा' रात्रभर पार्टीत नाचणार, बाहेर जोड्यांसाठी मंत्री उभे असणार ,
पद्मभूषण मात्र शाहरुख च ठरणार , काय रे देवा !

आता पुन्हा दुष्काळ पडणार, विदर्भ मराठवाडा होरपळून निघणार,
आबा रडायला लागणार, शिंदे हसतच राहणार ,
चव्हाण-ठाकरे दिल्लीला जाऊन निर्णय घेणार ,
'हे' वाघावर तर 'ते' इंजिनावर स्वार होणार ,
आमटे , बंग वेड्यागत अनवाणीच धावणार ,
जाणते साहेब मात्र लवासात स्विमिंग पूल उभारणार , काय रे देवा !

आता पुन्हा निवडणुका होणार, काळा पैसा सगळा बाहेर पडणार,
यांना जिजाऊ तर त्यांना दादोजी आठवणार ,
मातोश्री गरजणार, कृष्णकुंज आदेश देणार,
बाई 'झंझावाती' रोड शो करणार, उनाड च्यानेल्स बोकाळणार ,
अण्णा उपोषण करणार, कुणा कुणाचा 'स्वाभिमान' जागा होणार,
निवडणुकीची सुट्टी म्हणून आम्ही मात्र खंडाळ्याला जाणार, काय रे देवा !

आता पुन्हा अप्रेझल होणार , जो तो बॉस ला शिव्या देणार
बॉस त्याच्या बॉस च्या नावाने खडे फोडत असणार
कंपनी मात्र कागदावर तोटाच दाखवत राहणार
किती टक्के हाच महत्वाचा प्रश्न होऊन राहणार
पंधरा नाही तर दहा तरी द्या असे लाचार स्वर निघणार
'थाळात' मात्र एक टन उस ९० लाच तुटणार, काय रे देवा !


तळटीपा :
१. 'थाळ' - ऊस तोडणीचे स्थळ
२. तोडणी मजुराला ९० रुपये टन हा अगदी अलीकडचा खरा भाव आहे
३. घटना व पात्रे खरे आहेत - योगायोग नाही

Unknown Author



Offline Vkulkarni

  • Jr. Member
  • **
  • Posts: 188
  • Gender: Male
  • Let's be friends !
    • "ऐसी अक्षरे मेळविन!"  आणि "माझी सखी"
सुरेख पण परखड कविता... ;)

संदीपजींच्या याच कवितेवर आम्ही पण एक विडंबन केलं होतं मायबोली.कॊम वर... बघा कसं वाटतय ते...

खरेसाहेब…., माफ़ करा !

आता पुन्हा
कुणीतरी विडंबन करणार ….

आता पुन्हा, आम्ही डोक्यावर हात मारणार
मग आम्ही संगणकासमोर बसणार
मग कुणीतरी विपुत खरड टाकणार
मग आम्ही अजुनच वैतागणार
तरिही खरडी कमी नाही होणार
काय रेsssss देवा …..

विडंबन बघुन आम्ही पेटणार
उगाचच खोड्या काढता, ओरडणार
गुलमोहरावर नवा कप्पा मागणार
मग अ‍ॅडमिन नाही म्हणणार
मग आम्हीही खरडी वाढवणार
अ‍ॅडमिनच्या नावाने खडे फोडणार
तरिही अ‍ॅडमिन नाही ऐकणार
पुन्हा विडंबनाचा मुड नसणार
मग प्रतिसाद देणे बंद करणार
मग आम्हाला अनुल्लेखवाले म्हणणार
पुन्हा आमच्यावर चर्चा होणार …
पुन्हा कुणीतरी विडंबन करणार….
काय रेsssss देवा……

सुरुवातीपासुन माबो चाळायचे ठरवणार
पण ते काही केल्या नाही जमणार
मग एखादी जुनीच कविता टाकणार
मग आमची चोरी पकडली जाणार
परत ते आम्हाला चिडवणार
मग आम्ही कट्ट्यावर परतणार
तिथे तेच तेच चेहरे असणार
मग पुन्हा नवीन विडंबन करणार
काय रे sssss देवा ……

हे असेच चालायचे
विडंबने कालही होती… आजही होताहेत…, उद्याही होणार…!
काय रे देवा …….

(नव इडंबनकार ईरसाल ’खोटे’)
http://magevalunpahtana.wordpress.com/2009/12/25/खरेसाहेब-माफ़-करा/
« Last Edit: July 14, 2010, 10:02:24 AM by Vkulkarni »

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
नाऊ वजा एक किती ? (answer in English number):