Author Topic: राजा लागतो आम्हाला  (Read 1114 times)

Offline विक्रांत

  • Hero Member
  • *****
  • Posts: 1,550
राजा लागतो आम्हाला
« on: August 31, 2014, 01:15:10 PM »
वेडा असो शहाणा असो
राजा लागतो आम्हाला
जयजयकार करीत त्याचा
डोई घेवून नाचायला

राजा नसला तर त्याची
लेक-नातही चालते आम्हाला
शेवटी काय एक दगड
हवा असतो डोक ठेवायला
 
उसना चालतो दत्तक चालतो
किंवा कुठून आयात केलेला
कपाळावर कुंकू आमच्या
नाव हवे एक घ्यायला
 
खाईल पैसा खाऊ दे तो
विकेल देशा विकू दे तो
बेहोशीला आमच्या पण
मस्त डोस एक असतो तो
 
कुण्या जातींचा असो कुत्रा
गल्लीतला वा महालातला
पाय चाटल्या वाचून का
कधी बरे वाटते त्याला

विक्रांत प्रभाकर
« Last Edit: September 01, 2014, 11:45:14 AM by MK ADMIN »

Marathi Kavita : मराठी कविता