घाल घाल पिंगा नार्‍य़ा, माझ्या परसात
माघारी जा, मिसकॉलची कर बरसात !
झक्कास आहे पोरगी, सांग दोस्तांच्या कानात
आई, बापापुढे आणि नको नको रे उन्हात !
विसरलास का रे तु, गॅदरींगला वर्ष झालं,
बघून तुझा वेडेपणा,माझ्या मनी हर्ष आलं
फिरुन-फिरुन सय येई, मोबाईल वाजतो
पंजाबीच्या ओढणीचा शेव, ओलाचिंब होतो.
माझ्या शेजारची काळी नंदा खोडकर फार,
चिडवून चिडवून करी कशी, मला रे बेजार !
मनात तुझ्या आठवणीचा सडा पडे,
कधी फुलं वेचायला येशील तू गडे ?
कॅंटीनच्या चहावर मऊ दाट साय
माया तुझ्यावर दाट, तशी तुझी आहे काय?
आले भरून डोळे पुन्हा मिसकॉल भेटला
न झालेल्या भेटीसाठी जीव आट्ला आटला !
- सूर्यकांत डॊळसे,पाटोदा (बीड)
