घर म्हणजे...?

[rudra]

घर म्हणजे काय असतं...?
चार भिंतींचा आधार,
एका दरवाजाचे मन,
दोन खिडक्यांचा प्रवास,
एका छताचा विश्वास...

घर म्हणजे...?
पैशांचा डोंगर,
भावनांचा वणवा,
विचारांचे  श्वापद,
की स्वप्नांचे रान...

घर म्हणजे...?
मातीच्या चुली,
भुकेचा जोगवा,
शेणाची ओसरी,
आणि अंधारा जागर...

घर म्हणजे...?
मतांचे भांडण,
प्रेमाचा घात,
अनामिक नाती
अन एकट्याची पाऊलवाट...

- रुद्र

[nitin tanawade]

मतांचे भांडण.... प्रेमाचा घातं... अनामिक नाती... अन एकट्याची वाट... मस्तचं

[केदार मेहेंदळे]

kavita chaan aahe.... pan ashich positive baju hi lihita yeil.... praytn kara