ध्यानी मनीं नसतां ...

[Sadhanaa]

ध्यानी मनीं नसतां ...

ध्यानी मनीं नसतां
स्मृतिंचा अंकूर उगवतो असा
चिखलांतून चालताना
पायी कांटा रुतावा जसा ।
दूरून सारंगीचा  छेडलेला
मंजूळ जसा सूर यावा
पर्वतांवरून  घसरून
वाळवंटी निर्झर जांवा ।
मौन धरलेल्या अधरांवर
प्रीतिचा शब्द यावा
शून्य उदास आकाशीं
सायंतारा चमकावा ।
खडकाळ रानामध्ये
एकच गुलाब उगवावा
पहाटेच्या शांत समयी
मृदुंगाचा बोल यावा ।
मंद गार झुळके संगे
संगीताचा सूर यावा
पहाटेस भजनाचा
पवित्र तो बोल यावा ।
एकटा जीव हा विरहांत
उदास हा जगावा 
सूर्य किरणांनी धरेवर
कशिदा तो काढावा ।
हिरव्या हिरव्या पानांवर
दवबिंदूनें शब्द लिहावा
खवळलेल्या सागरांतून
एक मोती वर यावा ।
विरहांच्या बाणाने
हृदयाचा वेध घ्यावा
जीवनांत ह्या एकाकी
मृत्युचा भास व्हावा ।। रविंद्र बेंद्रे
ही चित्र-कविता स्वरुपात पहायची असल्यास कृपया येथे क्लिक करा .
Please Click on this
http://ravindrabendre.blogspot.com/2012/12/blog-post_7.html

[swara]

avadali kavita.........

[Madhura Kulkarni]

मस्त आहे. खरच खुप छान!!!!