न्याय

[केदार मेहेंदळे]

मुलगी अत्यवस्थ, पोलिस मेला आहे
गुन्हेगार मात्र अजूनही जिवंत आहे
कसा होणार न्याय इथे?
कायद्याच्या डोळ्यावर पट्टी आहे.

पारड्यात समानता आणि निष्पक्षता आहे
तराजूची तागडी मात्र वरखाली आहे
कसा होणार न्याय इथे?
कायद्याच्या हाताला कंप सुटला आहे

एकीकडे सरकार, सत्ता आहे
दुसरीकडे राजकारण आहे
कसा होणार न्याय इथे?
कायद्याचे हात बांधलेले आहेत

कायद्याचे रखवाले स्वताहाच
खोटी केस बनवण्यात मग्न आहेत
कसा होणार न्याय इथे?
कायद्याचे हात मळलेले आहेत

डोळ्यात अश्रू, चेहरा उतरलेला आहे
हातातला तराजू तुटलेला आहे
कसा होणार न्याय इथे?
कायदाच न्याय मागतो आहे





केदार...

[santoshi.world]

chid tar etaki yetey hya sarva prakarachi  pan baghat rahnyashivay apalya hatat pan kahi nahi .......... tya muli sathi apan kahich ka karu shakat nahi ?

[Shrikant R. Deshmane]

outstanding kedarji...
kavitela n tumhala maza selute...
apratim ahe kavita..
an santoshi.world tumchya matashi mi sahmat aahe pan aapla rajkaranch asa aahe ki tyacha nikal lagna durch jyachyavar anyay zalay ti vyakti hayat nasel tevha tya goshtichi charcha suru hoil..