आत्मप्रभा

[विक्रांत]

तव कृपेचा झरा आत          
हळू हळू आहे वाहत   
अन पावुले नकळत              
तुजकडे आहे चालत    ll१ ll            
संपले आता रागावणे          
संपले उगा खंतावणे              
तुच काढिले गळ्यातून           
मुढ अहंतेचे लोढणे   ll२ ll         
पाहतो होऊन चकित             
मीच होते काय हे केले  ?            
लोढणे मानुनिया प्रिय             
कैसे चैतन्य नाकारीले ? ll३ll         
अवघी काजळी भ्रमाची
पूर्णपणे आता मिटली   
जाणीवेत आणि कोवळी
आत्मप्रभा आहे दाटली ll४ll

विक्रांत प्रभाकर
http://kavitesathikavita.blogspot.in/