बाईपणाच ओझं

[SANJAY M NIKUMBH]

बाईपणाच ओझं

मी बाई आहे म्हणून
तू अबला समजतोस
माझ्या शरीराकडे
फक्त भोग म्हणून बघतोस

माझ्याच पोटी जन्मला तू
हे हि तू विसरतोस
मोठा झाल्यावर पुन्हा
तू माझ्याकडे झेपावतोस

मी कळी असतांनाही
मला कुस्करून टाकतोस
माझ्या साऱ्या भावनांना
तू जाळून टाकतोस

कितीही शिकले सवरले तरी
मला दाबून टाकतोस
फक्त तू पुरुष म्हणून
माझ्यावर मालकी सांगतोस

माझ्या वयाप्रमाणे फक्त
तुझी रूपं बदलतात
बाप , नवरा , मुलगा
नाती फक्त बदलतात

कुठलंही नात असलं तरी
मीच नमतं घ्यावं
कारण फक्त एकच
बाई माझं नावं 

जरी सगळा संसार
मी खांद्यावर घेते
पण बाई असते म्हणून
तुझी दास होते

ओझं वाटतं मला
माझ्या बाईपणाच
फुलेल कां रे नातं
आपल्यात माणूस पणाचं .

                                                संजय एम निकुंभ , वसई
                                     

[santoshi.world]

chhan ahe kavita ....... manapasun avadali ............. keep writing n keep posting...

[shubhangi nar]

ekdam mastchhhhhhh