देवाकडे पाहू नका

[विक्रांत]

देवाकडे पाहू नका
भाव भोळा आणू नका
व्यवहारात भावनेचा
घोळ उगा घालू नका ll १ ll
देव सदा उभा आहे
पण हाक देवू नका
जन्माची वाट लागेल
भुली त्याच्या पडू नका ll २ ll
हळू तो मनी शिरता   
जग निरर्थ दिसेल 
कमावलेले अवघे
मग नकोसे वाटेल   ill ll ३ ll
माझे जरा नीट ऐका
अशी चूक करू नका
सुखी तुमच्या संसारा
आग उगा लावू नका ll ४ ll
देव छान मंदिरात
वा दिसे देवघरात 
आणताच जीवनात
समजा गेला खड्ड्यात   ll ५ ll
काम धंदा रोजगार 
सारा सुटून जाईन
पैश्यापाण्याविना तुम्हा 
भीक मागणे उरेन ll ६  ll
बायको पोरे मित्रादी
सारी दूर लोटतील 
घेणाऱ्यांच्या जगात या 
तुमचा कोण राहील   ll ७ ll
पूजाअर्चा दानधर्म
कथा व्रते यात्रा करा
वरवर पण जरा
मनी देऊ नका थारा  ll ८ll

विक्रांत प्रभाकर 
http://kavitesathikavita.blogspot.in/

[केदार मेहेंदळे]

vegalach lihilas




pan dev manat ala tar kaslich fikir rahanar nahi...

[विक्रांत]

vegalach lihilas
pan dev manat ala tar kaslich fikir rahanar nahi...>>>>>>>ज्यांना देवासाठी दे हवा असतो ,त्यांच्यासाठी नाही हे .

पंढरीचे भूत मोठे। आल्या गेल्या झडपी वाटे।।
बहू खेचरीचे रान। जाता वेडे होय मन।।
तेथे जाऊ नका कोणी। गेले नाही आले परतोनी।।
तुका पंढरीस गेला। पुन्हा जन्मा नाही आला।।

[Ram Poul]

Shevati Eka Vithalavachun gatyantar nahi na.........!!!!!!

[विक्रांत]

 ved anant bolila ,arth itukachi sadhila, vithobasi sharan jave.nij nisshta nam ghyave