धुक्यात पायवाट आज हरवून गेली आहे

[ankush.sonavane]

      धुक्यात पायवाट आज हरवून गेली आहे

थंडगार धुक्यात हरवून गेली आहे
कोठून सुरवात झाली कोठे जावून थांबली आहे
वेडावलेले मन तिला शोधत आहे
धुक्यात पायवाट आज हरवून गेली आहे

           सोनेरी किरणाच्या सोबत ती भेटायची
          वाहणाऱ्या वाऱ्यासोबत ती झुलायची
           हिरवा शालू पांघरून यायची
           ओढ मात्र मला तिचीच असायची
           आज मात्र ती नजरेआड आहे
           धुक्यात पायवाट आज हरवून गेली आहे

भरकटलेल्या पावलांना दिशा देणारी होती
चुकलेल्या वाटसरूंना घरी घेवून जाणारी होती
पावसाळ्यात भिजत अस्तित्व टिकवून होती
रणरणत्या उन्हात स्वतः जळत होती
दवबिंदूच्या शोधत मी तिला शोधत आहे
धुक्यात पायवाट आज हरवून गेली आहे

        गुलाबी थंडी अंगाला झोंबू लागली
        कोवळी सूर्याची किरणे हवी हवी वाटू लागली
        मनात स्पंदने दाटून येवू लागली
        वाऱ्याची झुळूक अंगाला स्पर्श करून गेली
        मी तिच्या शोधात निघालो आहे
       धुक्यात पायवाट आज हरवून गेली आहे

                                                   अंकुश सोनावणे

[प्रशांत नागरगोजे]

chaan ahe kavita

[Tejas khachane]

स्वप्न तिचे मनी आजही  गुंफून आहे ,
ओढ तिची जीवनी वाढतच आहे,
ज्योत नव्हे फक्त ती प्रज्योत आहे,
असे स्वप्न अन्तरी सरावात आहे ,
पण नैराश त्या क्षणाचे स्वीकारावे लागले,
जशी धुक्यात पायवाट  गेली आहे .