त्यांचेच सारे विश्व...

[Ankush S. Navghare, Palghar]

गाडीत होती खुप गर्दी
गर्दीतले ते दोघे
पण त्यांच्यासाठी जणू होते
त्यांचेच सारे विश्व...!!१!!

एकमेकान जवळ
एकमेकांना बिलगून
प्रेमाच्या त्यांच्या गोष्टी
सर्व जगाला विसरून
फक्त प्रेमच तेवढे खरे
बाकी सर्वच फसव
पण त्यांच्यासाठी जणू होते
त्यांचेच सारे विश्व...!!२!!

कधी हट्ट कधी राग
हा तर असतो
प्रेमाचाच भाग
आधी त्याच्या तर
आता तिच्याही डोळ्यांत अश्रू
ह्यातच असते प्रेमाचे खरे सत्व
पण त्यांच्यासाठी जणू होते
त्यांचेच सारे विश्व...!!३!!

त्याने तिला जवळ ओढले
कितीतारींनी नाक मुरडले
पण त्यांनी नाही दिले
त्या सर्वांना महत्व
पण त्यांच्यासाठी जणू होते
त्यांचेच सारे विश्व...!!४!!

प्रेमात हे असेच असते
जसे दिसते तसे नसते
कोणी समजते वाईट
पण प्रत्येकाचे सेम नसते
कोणी कसा लावायचा अर्थ
हा ज्याचा त्याचा प्रश्न
पण त्यांच्यासाठी जणू होते
त्यांचेच सारे विश्व...!!५!!

तो होता लहान
ती हि होती लहान
पण प्रेमात नसते
वयाचे भान
प्रेम ठेवत नसते
वयाचे जडत्व
पण त्यांच्यासाठी जणू होते
त्यांचेच सारे विश्व...!!६!!

स्टेशन आले जवळ
तसे बंध झाले सैल
दोघांच्याही मनात होती
विरहाची घालमेल
एकमेकांना निरोप देऊन
मग पकडले आपापले मार्ग
पण त्यांच्यासाठी जणू होते
त्यांचेच सारे विश्व...
त्यांचेच सारे विश्व...!!७!!


... प्राजुन्कुश
... Prajunkush

[प्रशांत नागरगोजे]

mast ahe

[Ankush S. Navghare, Palghar]

प्रशांत जी...
... खुप आभार अगदी मनापासून.

[Shrikant R. Deshmane]

khupach chan..

[Ankush S. Navghare, Palghar]

Shrikant ji...
... Khup abhar agadi manapasun.