वार्धक्यांतील एकांतात...

[Sadhanaa]

वार्धक्यांतील एकांतात 
  स्मृतिंना उजाळा येतो
तारूण्यांतील इतिहास 
  प्रथम डोळ्यांसमोर येतो । 
शूरत्वाचे क्षण काहीं   
  पटापट जोडले जातात
कुणालातरी मोठ्याने 
  सारखे सांगावेसे वाटतात ।
गंमतीदार प्रसंग काहीं   
   उगींच मनां हंसवितात
चॉकलेटच्या गोळी परि 
  ते सारखे चघळले जातात ।
धूंद अशा त्या प्रीतिचे 
  क्षण जेव्हां मनीं येतात
वार्धक्यांतही अंगावर 
  रोमांच पुन्हां उभे रहातात ।
शिथिल झाल्या गाञांना 
  जेव्हा त्याची आठवण येते
स्वैर अश्या धुंदीत   
  पुन्हां जगावेसे वाटते ।
स्मृतिंच्या सान्निध्यात 
मन जरी तरुण होते
  शिथिल शरीर माञ
त्यासंगे न धांवू शकते ।
  पुष्कळ दुःख जीवनात जरी 
अनुभवास आले असले
तरी सुखाच्या क्षणांचीच 
मनीं फक्त आठवण होते ।
वार्धक्यांत स्मृतिंना त्या   
आगळाच रंग येतो
  एक एक आठवणींचा हार 
   मनीं गुंफला जातो         
                       रविंद्र बेन्द्रे
Please click on this
http://www.kaviravi.com/2013/01/blog-post_12.html
http://www.kaviravi.com/2013/01/blog-post_12.html

[केदार मेहेंदळे]

chan kavita