एक कविता 'तिला' अर्पण ! (दिल्ली बलात्कार प्रकरण)

[Madhura Kulkarni]

निषेध केला मौनानेही
उरी पेटला वणवा
रक्तही म्हणते नसांतले
आता मजला बदल हवा

पाठ फिरवली दैवानेही
नियतीनेही मिटले डोळे
न्याय व्यवस्था आहे दुबळी
कोटही काळे, मनही काळे

कोमल नाजूक पक्षिणीचे
टाकले पंख ज्यांनी छाटून
जाळण्या त्या सैतानांना
नव्या मशाली येतील पेटून

ऐकून वार्ता फुलांच्याही
अंगावरती आले काटे
का वाचवता अपराध्यांना
विषयाला त्या फोडून फाटे

खरोखरी मज पटते आता
न्यायव्यवस्था आंधळी
निमूट बसोनी पाहत असते
निष्पाप जीवांचे बळी 


रात्र समयी प्रकाशणारी 
विझून गेली इवली पणती
तरी घरोघर प्रत्येकाच्या
मनामध्ये ती तेवत होती.......!


'तिला' आदरपूर्वक श्रधांजली !

[deshpande Arpita]

खरोखरी मज पटते आता
न्यायव्यवस्था आंधळी
निमूट बसोनी पाहत असते
निष्पाप जीवांचे बळी 
.......TILA AADARPURVAK SHRADHHANJLI

[Madhura Kulkarni]

खरच, आज समाजात सुधारणेची नितांत गरज आहे.