तो आणि ती .

[Shashi Dambhare]

तो आणि ती .

तो उत्कट , उत्सुक, अनावर .... तिच्या प्रेमात
तिचा वावर शांत शांत ......
त्याच्या मनभर " ती " चा उच्छाद ,
ती " त्या " च्या असण्यानेच निवांत ......!
तो शुक्र , ती पृथ्वी
तो पाउस, ती तृषार्त ,
त्याला बरसण्याची घाई
तिला अपेक्षीत ' झिरप ' अविश्रांत ....!
तो आक्रस्ताळी , ती भयभीत
तो ओसंडून ...ती मीत
त्याची धुसफूस ....तिला फक्त ओल,
तो उथळ उथळ ...वर वर
ती आत आत ...खोल खोल ......!

शशी .

[केदार मेहेंदळे]

ekadam mast kavita... manaapasun avadali!