कधीकधी......(fantasy un censored)

[केदार मेहेंदळे]

 आयुष्यभर चौकटीतच राहीलो
बाहेर पडणं झालंच  नाही
सगळं काही दिलं पण
हवय काय ते पाहिलंच नाही

अचानक आलेल्या श्रावण सरींत
भिजणं कधी झालंच नाही
सहज कधी पडद्याआड
ओझरतं काही केलच नाही

उसळणार्या लाटांत भिजलो
किनारा सोडणं झालंच नाही
जवळ घेऊन कधी स्वताहून
लाटा उठवणं झालंच नाही   

बुडत असताना भरतीतही
भान कधी सुटलच नाही
एक तरी अंगावर उरलं
सगळं वाहून गेलंच नाही

तरुणपण दक्षतेत गेलं
भान कधी सुटलंच नाही
म्हातारपणी बेभान व्हायला
आता काही उरलंच नाही   

तसं पाहिलं तर ह्या मुळे
फार काही हरवलं नाही
तरी सुध्धा वाटत राहिलं
काहीतरी सापडलंच नाही 

प्रयत्न केला समजून घ्यायचा
वाईट कोणीच वागलो नाही
डोळ्यात तरीही पाणी आलं
का? ते मात्र कळलंच नाही!

केदार...

[Ganesh Naidu]

khup chan kavita ahe KEADAR

[केदार मेहेंदळे]

Thank you Ganesh. Rahun gelelya ichcn bddl hi ek pratikatmk kavita ahe. Mala swtahal hi majhich kavita asun hi hya kavitetali shevatchi don kadvi saglyat jast bhavuk an arthpurn vatat.

[मिलिंद कुंभारे]

म्हातारपणी बेभान व्हायला
आता काही उरलंच नाही   

डोळ्यात तरीही पाणी आलं
का? ते मात्र कळलंच नाही!

आवडलंय! अप्रतिम!

[sylvieh309@gmail.com]

it shows you are reserved person

[विक्रांत]

kedar, hi shrugarik madhye ka takali .mala gambhir vatate,virah madhye hi chalu shakel.

[Madhura Kulkarni]

विक्रांतशी सहमत....
कविता आवडली.

[केदार मेहेंदळे]

karan hyat rahun gelelya bhavana hya shrungaratalya rahun gelelya goshtishi nigadit ahet. lihilelya olit lapalela khara arth toch ahe...mhanun ithe takali...

[Madhura Kulkarni]

खर आहे केदार दादा, पण शृंगारिक प्रकारच्या भावना त्या प्रकारे पुढे आलेल्या नाहीत. अलवारपणे पुढ आल्यात. मग इथे का पोस्ट केलीस?
असो...काय फरक पडतो? कविता छान आहे न, झाल तर मग ! या बाकी गोष्टी माफ आहेत तुला!

[केदार मेहेंदळे]

Thanks