अधांतरी तूं राहूं नको

[Sadhanaa]

 जीवनांतून दूर जाऊनि
      स्वप्नांमध्ये रोज येशी
मनांमधली स्मृतिदुःखे
   रोज रोज ती चाळविशी ।
अपुरें जें स्वप्न राहिले 
   देशी येऊनि कां स्वप्नांत
सुखाचा तो क्षण एकच 
   देशी दुःख सागरांत ।
मम सुखाची होती इतुकी 
   काळजी तुझ्या मनांत   
कां गेलीस सोडून 
   मजला एकाकी विरहांत ।
माझ्या साठी इतुके तूं 
   कष्ट हें घेउं नको
अनंतातून अशी रोज
   माझ्या स्वप्नीं येउं नको ।
जवळीक तुझी नको मला 
   असें मात्र समजूं  नको
वेड्या या प्रीतिसाठी 
   अधांतरी  तूं राहूं नको ।।
रविंद्र बेन्द्रे
कविता चित्ररुपात पहायची असल्यास ...
Please click on this
http://www.kaviravi.com/2013/02/love-poem_12.html

[Ankush S. Navghare, Palghar]

Sadhanaji khup chan kavita ahe...

[मिलिंद कुंभारे]

प्रिय साधना/ रवींद्र

कविता खूपच छान आहे!
एक प्रश्न पडलाय! आपण साधना कि रवींद्र?
प्रतिसाद कुणाला द्यायचा?

मिलिंद कुंभारे