शब्द

[Vikas Vilas Deo]

शब्द सांगते मन
शब्द असे धन
शब्दच जीवन
      आम्हा कवींसाठी...

शब्द असे शस्त्र
शब्द असे अस्त्र
शब्दची वस्त्र
           नेसावयास . . .

शब्द आमचा आहार
शब्द असे आजार
शब्दच उपचार
           त्यावरील . . .

शब्द आमचे अवजार
शब्द हत्यार
शब्द असे सार
           जीवनाचा . . .

शब्दावर जगणे
शब्दासाठी मरणे
जे काही जीणे
          ते शब्दासाठी . . .

शब्दविना जीवना
काही न दिसे आम्हा
शब्द आमचा रामा
           शब्दच सर्व . . .

शब्द आमचे भाव
शब्द आमचे नाव
शब्दच गाव
          राहण्यासाठी . . .

शब्द आमचा श्वास
शब्द असे ध्यास
शब्द जगण्याची आस
          आम्हासाठी . . .

शब्दविन भाव
मनी नाही दुजा
शब्दाची करीतो पुजा
          आम्ही कवी . . .

शब्दची माता
शब्दची पिता
शब्दची आता
           सर्व काही . . .

[केदार मेहेंदळे]

विकास, फार छान कविता लिहिली आहेस.[/font][/size]  

शब्दांत गुफले
शब्दांचे महत्व
कौतुक करण्या
..........................शब्द न  उरले 

शब्दांचे कौतुक
शब्दांत सांगाया
'उत्तम कविता'
..........................शब्द दोन स्फुरले 

[Ankush S. Navghare, Palghar]

Are va shabdala shabanchech utaar... sundar...

[Vikas Vilas Deo]

धन्यवाद मेहेँदळे सर. नव कवीला शाबासकी सारखे दुसरे बक्षीस कुठले.