तुझ्या माझ्या प्रेमाच्या

[Sadhanaa]

तुझ्या माझ्या प्रेमाच्या
आठवणी मनांत येत आहेत
परंतु भित्र्या सशा परि
भरकन पळून जात आहेत
आपण दोघें मिळून वाटले
जीवनीं स्वर्ग निर्मावा
आदर्श पति-पत्नी म्हणून
संसार आपला गौरवावा
तूं ही माझ्या विचाराला
साथ दिली मनापासून
छोट्या संसारात आपुल्या
सुख समाधानाने राहून
विवेकाने वागून आपण
एकमेका समजून घेतले
देतां येईल तितके अन
मुक्त हस्ते सुख दिले
निर्मळ अपुल्या संसाराला
दृष्ट कुणाची तरी लागली
भरला संसार उधळून
तूं माझी साथ सोडली
कां झाले दैव इतुके
कठोर ते माझ्यावर
आणला प्रसंग त्याने
येऊ नये जो वैर्यावर
आता फक्त आठवणी
मनांत उद्भवत आहेत
जखमी सश्या प्रमाणे
मनांत रेंगाळल्या आहेत

कविता चित्ररुपात पहायची असल्यास ...
Please click on this
http://www.kaviravi.com/2013/03/love-poem_7.html

[मिलिंद कुंभारे]

आठवणी असतात नेहमी जपायच्या!
कधी असतात त्या कडवट!
तर कधी असतात त्या गोड!
आपण मात्र त्यातला कडवटपणा
विसरून जावा!
गोडवा तेवडा मनाशी जपत राहावा!

खूप छान!
मिलिंद कुंभारे

[केदार मेहेंदळे]

chan