सांग सांग डोरीमोन!

[मिलिंद कुंभारे]

सांग सांग डोरीमोन!

सांग सांग डोरीमोन!
एक gadjet मिळेल काय!
अन त्याच्यासंगे;
उंच उंच उडून मी;
नभातल्या त्या टिमटिमत्या
ताराकांशी खेळू शकेन का?

सांग सांग डोरीमोन!
एक gadjet मिळेल काय!
अन त्याच्यासंगे;
उंच उंच उडून मी;
गगनातल्या त्या
रंगीबीरंगी फुलपाखरांशी;
गुजगोष्टी सांगू शकेन का?

सांग सांग डोरीमोन!
एक gadjet मिळेल काय!
अन त्याच्यासंगे;
उंच उंच उडून मी;
आभाळाला टेकलेल्या;
निसर्गसौंदर्याने नटलेल्या;
त्या पर्वतांना स्पर्श करू शकेन का?

सांग सांग डोरीमोन!
एक gadjet मिळेल काय!
अन त्याच्यासंगे;
खोल खोल जाऊन  मी;
निळ्या निळ्या सागरातल्या;
निळ्या, पिवळ्या, तांबड्या;
त्या मास्यांना स्पर्श करू शकेन का?

सांग सांग डोरीमोन!
एक gadjet मिळेल काय!

मिलिंद कुंभारे