जीवन आणि संसाराचा...

[Sadhanaa]

जीवन आणि संसाराचा...
जीवन आणि संसाराचा 
विरह हा एक भाग असतो
म्हणूनच मनुष्य तेव्हां
आत्म परीक्षण करतो ।
संसारात होते वाटले 
माणूस 'स्व' विसरून जातो
अनुभवास मात्र येते
'स्व' तसाच कायम असतो ।
मी मला कसा,तसेच 
दुसऱ्याला कसा वाटतो
ह्याचे ज्ञान प्राप्त होऊन 
'मी' फार तोकडा पडतो ।
जर काहीं विसरत असेल
तर तो दुसऱ्यास विसरतो
त्याच्याकडे फक्त तो   
एक छाया म्हणून बघतो ।
प्रीति,प्रेम,साथी हा   
फक्त एक आभास ठरतो
भावनांनाही त्यांत अखेर   
कुठे ही ना वाव उरतो ।
जीवनांत अशा विचाराला 
कधींच कुठं थारा नसतो ।
पण 'मी-माझं' म्हण्णार्याला 
तो विचार कधीं ना शिवतो
जीवनांत माणूस एकटा आहे 
तो एकटाच रहात असतो ।
हेंच एक सत्य आहे 
बाकी सर्व आभास असतो ।
त्यांच आभासांत राहून
मनुष्य जीवन जगत असतो
संसार माझा सुखाचा 
असेच भासवत  असतो ।
म्हणूनच विरहांत जेव्हां   
आत्म परीक्षण मी करतो
प्रीति -संसारावरील सारा 
विश्वासच उडून जातो ।।
रविंद्र बेंद्रे
कविता चित्ररुपात पहायची असल्यास ...
Please click on this
http://www.kaviravi.com/2013/02/miscellaneous_9.html

[मिलिंद कुंभारे]

जीवनांत माणूस एकटा आहे
तो एकटाच रहात असतो ।
हेंच एक सत्य आहे
बाकी सर्व आभास असतो ।

पण तरीही कुणाची तरी चाहूल
त्याला नेहमीच जाणवत असते!
कुणी माझा एक सखा असावा;
असे त्याला नेहमीच वाटत असते!


मिलिंद कुंभारे