निवडुंग!

[मिलिंद कुंभारे]

निवडुंग!

अपयश,
मनाच्या वाळवंटात,
उगवलेलं निवडुंग!
बोचतंय मला रात्रंदिवस,
असह्य करतंय,
जगणं माझं!

सूर्य रोज उदयास येतो,
उधळीत आशेची किरणं!
पण डोळ्यांसमोर माझ्या,
फक्त निराशेचं धुकं!
झुरतय मन,
बघाया धुक्यांआड,
लपलेला वसंत!

पण किळसवानं, अर्थहिन
असतंय ते जगणं,
अगदी एकाकी एकट,
शोधीत हरवलेलं,
स्वतःचच अस्तित्व!
कधी वाटतं करून टाकावा,
त्या क्षणभंगुर जीवनाचा अंत!
पण तेही असतं अवघड!

मग  उरतंय,
एकट्याचच एकलकोंड विश्व!
शून्यात अडकलेलं,
जिथं सोबतीला असतं,
फक्त निवडुंग!
अन
बोचणाऱ्या काट्यांची,
गोळा-बेरीज करत,
कसं -बसं मरत-मरत जगणं!
जणू  न उमगलेलं एक कोडं!

मिलिंद कुंभारे

[santoshi.world]

nice .... i like it very much ....... keep writing n keep posting

[मिलिंद कुंभारे]

प्रतिसादाबद्दल खूप खूप धन्यवाद!

[केदार मेहेंदळे]

sundar kavita..................
nivadungachya katyan sarkhi,
tyhcya fulan sarkhi
un tyatlya panya sarkhi

[मिलिंद कुंभारे]

केदार दादा!

अभिप्रायाबद्दल धन्यवाद!

निवडूंगाला पाने, फुले मी कधी बघितलीच नाही!
त्यात मला फक्त काटेच दिसली!
अन तीही सदैव बोचणारी, सलणारी!
आयुष्यात  माझ्या सुरुंग पेरणारी!

मिलिंद कुंभारे 

[Ganesh Naidu]

Khup chan milind

[मिलिंद कुंभारे]

प्रिय गणेश,
धन्यवाद!

[विक्रांत]

 

[मिलिंद कुंभारे]

विक्रांतजी!!
खूप खूप धन्यवाद!!!

[पिंकी]

अप्रतिम!!!!