आधारवड

[swatium]

आधारवड



कालच्या वादळात

स्वप्नांची होळी झाली

आधाराचे खांब वाचवताना

हातांना जखमा झाल्या आणि मेंदू सुन्न

अखेर खांब कोसळलेच

आणि घरही जमीनदोस्त

आता ठरवलंय

बिन खाम्बांचेच घर बांधायचे

स्वतःतच आधारवड रुजवायचा

आपल्या पारंब्या आपणच व्हायचे

मग

आधार कोसळण्याचे दुःख तर नसेलच

पण निराधार होण्याचे भय सुद्धा सरेल

नाहीतरी

वादळात वाहून जाणारा आधार हवाच कशाला

स्वप्नांची होळी झाल्यावर त्यातून उडणारा

फिनिक्स तरी कशाला

स्वप्नातून कधीतरी जागे व्हायलाच हवे

चांगले खडबडून

जागे झाल्यावर  पुन्हा झोपण्याचा

स्वप्नांना कवटाळण्याचा

व्यर्थ अट्टाहास तरी कशाला

सत्याला सामोरे जायलाच हवे

असे कि

पुन्हा स्वप्नांची आठवण सुद्धा येऊ नये

पण असेल का असे सत्य ....?

..................................स्वाती मेहेंदळे

(एक भिजले वाळवंट मधून )

[Ganesh Naidu]

chan ahe

[केदार मेहेंदळे]

chan

[मिलिंद कुंभारे]

छान प्रयत्न आहे!