जळी स्थळी अन आभाळी

[Sadhanaa]

जळी स्थळी अन आभाळी
  मला स्पष्ट प्रतिमा दिसते ।
ओळखीची वाटत असून
  मन मात्र संभ्रमात पडते ।
रोखून मी पहात असतां
  अचानक ती विरून जाते ।
हळूच अन दुसर्या दिशेस
  फिरून ती प्रगट होते ।
आभास तो वाटला तरी
  मन माझे हरपून जाते।
तिला जाणून घेण्यासाठी
  सदोदीत धडपड करते।
अस्पष्ट ते रूप पाहून
  मनांत एक शंका येते ।
सखीच्या रूपा समान
  तिचे रूप दिसूं लागते ।
मनांत अशी शंका येता
  मोहरून माझे मन जाते ।
आवेगानं झेप घेतां
  अचानक तीं गुप्त होते ।।
                               रविंद्र बेंद्रे
कविता चित्ररुपात पहायची असल्यास ...
Please click on this
http://www.kaviravi.com/2013/04/love-poem_18.html

[rudra]

saadhna...ravindra bendre yancha kavita mala khup avdtat,vachavyasha vatatat..mi ya adhi tyancha kavita kadhi vachlya navtya...
tya thumhi ya sitevar post kelyabaddal abhari......

[मिलिंद कुंभारे]

अप्रतिम कविता आहे! आवडली!!