एकाकी जीवनांत...

[Sadhanaa]

एकाकी जीवनांत ह्या
वाट कुणाची बघतोस
कुणी येईल म्हणून
आशा कां धरतोस
एकदा गेलेला साथी
परत कधीं येत नाहीं
जीवनांत त्याची उणीव
भरून कुणी काढत नाहीं
सत्य हे निसर्गाचे
जाणून कुणी घेत नाहीं
एकाकी पणा घालविण्या
म्हणून तें करिती घाई
कुणी शोधती साथीला
अनेक भजती देवाला
तेही जमत नाहींत तें
शरण जाती मदिरेला
प्रकार सारे करूनही
तहान काहीं भागत नाहीं
जीवनांतील हा एकांत
दूर कधी होत नाहीं
रविंद्र बेंद्रे
कविता चित्ररुपात पहायची असल्यास ...
Please click on this
http://www.kaviravi.com/2013/04/miscellaneous_27.html