नृत्य समाधी .

[विक्रांत]

नृत्याची झिंग कर्पुरी देहावर
नाचते वीज अंगागावर
कमनीय बांधा लचकेत थरार
उसळत्या लाटा किनाऱ्यावर
आवेग आवर्तन अणूरेणूवर
पावलो पावली नुपूर झंकार
यौवन देही साक्षात मंदार
स्वैर होवून बटा चुकार
चुंबती उन्नत कपोल हळुवार
काळवेळ विसरून सार
अनामाशी जुळले सूर
बेहोष समाधी लौकिका शरीर
थकला श्वास स्वेद चेहऱ्यावर
तृप्तीचे हासू रेखीव ओठावर
मृगनयनात अनोखी भिरभिर

विक्रांत प्रभाकर

[मिलिंद कुंभारे]

भारी कविता आहे!!
माझ्यासारख्याला समजायला खूपच कठीण!!

उसळत्या लाटा किनाऱ्यावर
आवेग आवर्तन अणूरेणूवर

[केदार मेहेंदळे]

kya bat Vikrant...mast

[विक्रांत]

धन्यवाद केदार,मिलिंद

[Ankush S. Navghare, Palghar]

Vikrant ji... Kavita vachun kharach samadhi lagali..

[विक्रांत]

dhnyvaad Prajunkush