*** ओळख खऱ्या प्रेमाची ***

[SANJAY M NIKUMBH]

*** ओळख खऱ्या प्रेमाची ***
---------------------------------------
प्रेम कधी कुणावर
ठरवून करता येत नाही
कुणी कितीही आवडलं
तरी ते प्रेम असत नाही
प्रेम मनाच्या गाभाऱ्यातून
नकळत उमलून येतं
कुणीतरी मनाच्या डोहात
खोलवर दिसायला लागतं
उठता बसता दिवसा ढवळ्या
त्याचं स्वप्न पडायला लागतं
प्रत्येक क्षण त्याच्याच विश्वात
मन नकळत हरवायला लागतं
त्याच्या नुसत्या दिसण्यान
मन वेड व्हायला लागतं
त्याची भेट होता क्षणी
उंच नभात उडायला लागतं
त्याच्या थोडाश्या दुराव्यान
मन व्याकूळ होऊ लागतं
भेटल्यावरही भेटीसाठी
प्रत्येक क्षण झुरू लागतं
नाही राहू शकत त्याच्याशिवाय
मनास सारखं जाणवू लागतं
त्याच्या विरहाच्या क्षणी
मन बेचैन होऊन जातं
अन येतो तो मधुर क्षण
जेव्हा मनास कळून जातं
हे फक्त प्रेम आहे
हृदय बरोबर ओळखून घेतं .

                                                   संजय एम निकुंभ , वसई
                                                दि. ११ . ५ . १३  वेळ : ११ . १५  रा .   

[Ankush S. Navghare, Palghar]

Khup khup sundar... Agadi asach asata...

[SWEETSUNITA]

Khup khup sundar... Agadi asach asata...

PREMACHYA YA WATA HRUDAYATUN WALAN GHETAT.
            DOGHE GUMPHALOY EKKA DORI MANAAS SANGUN JATAT.