** तू सोडून जातांना **

[SANJAY M NIKUMBH]

** तू सोडून जातांना **
-------------------------------------
तू सोडून जातांना
तुझे सारे श्वास
माझ्या उरांत सोडून गेलीस
तुझा सारा गंध
भरला माझ्या नसानसांत
तू मात्र रिक्त होऊन गेलीस -----------
तू सोडून जातांना
तुझं सारं प्रेम
माझ्या ओंजळीत भरून गेलीस
काळजाचा घडा भरलाय
तुझ्या प्रेमानं काठोकाठ
तू मात्र रिक्त हाताने गेलीस ----------
तू सोडून जातांना
तुझ्या साऱ्या आठवणी
माझ्या जवळ सोडून गेलीस
प्रत्येक क्षण अन क्षण
जतन करून ठेवला मनात
तू मात्र रिक्त मनानंच गेलीस -----------
तू सोडून जातांना
माझं सगळं जगणं
बेधुंद करून गेलीस
तुझं प्रेम उरांत घेऊन
बेभान जगत असतो मी
तू मात्र प्रेम विसरून गेलीस ----------
तू सोडून जातांना
तूझा शब्द अन शब्द
माझ्या हृदयावर कोरून गेलीस
मी जपतोय अन जागतोय
तुझ्या प्रत्येक शब्दास
तू मात्र वचनांना कायमची विसरून गेलीस
तू मात्र वचनांना कायमची विसरून गेलीस .

                                                                   कवी : संजय एम निकुंभ , वसई
                                                                   दि . १२.५.१३  वेळ : १२ . १५ रा .

[Ankush S. Navghare, Palghar]

Khup sundar...