** वचने प्रेमातली **

[SANJAY M NIKUMBH]

**  वचने प्रेमातली  **
---------------------------------
कधीच तुला कुठल्याच वचनात
अडकवलं नाही मी
कधीच कुठलेच वचन तुझ्याकडून
मागितले नाही मी
माझा विश्वास होता
फक्त माझ्या प्रेमावर
तुझ्या निरागस मनावर
माझ्या खऱ्या भावनांवर
प्रेमाला बंधनात अडकवण
नाहीच आवडत मला
खरं प्रेम असेल तर
गुंतवून ठेवत ते मनाला
मी फक्त मला विसरून
तुझ्यावर प्रेम करत गेलो
तुझ्या प्रत्येक भावनेला
फुलासारखं जपत गेलो
म्हणून तर कुठल्याही वचनांना
प्रेमात थारा दिला नाही
वचनांपेक्षा प्रेम करत गेलो
म्हणून माझं प्रेम तुझं मन विसरलं  नाही .

                                                      संजय एम निकुंभ , वसई
                                                    दि. १३ . ५ . १३  वेळ : १२ . १० रा .