पावसाआधी

[shashaank]

पावसाआधी

काळ्याभोर जमिनीवर उभ्याआडव्या भेगा
कपाळभर भरलेल्या काळजीच्या रेघा

विहीरींचे पाणी केंव्हाच सरले
रिकामे हंडे गावभर फिरले

दूरवर आभाळात काळसर ढग
निचरून काढतात निराशेचे मळभ

निबर चैत्रपालवी वार्‍यावर झुळकती
मनामनात पावसाची आशा तरळती

-shashaank purandare.

[केदार मेहेंदळे]

va va

[विक्रांत]

  निबर चैत्रपालवी  ha shabd prayog thoda explain karashil ka ?

[rudra]

विहीरींचे पाणी केंव्हाच सरले
रिकामे हंडे गावभर फिरले
surekh mitra.....

[shashaank]

सर्वांचे मनापासून आभार.

विक्रांत - "निबर चैत्रपालवी" - नवी पालवी चैत्रात येते. आणि पाऊस साधारणतः ज्येष्ठाच्या मध्यात किंवा शेवटी शेवटी येतो. तोपर्यंत ही पालवी जुनी/ निबर झालेली असते.
निबर हा शब्द आपल्या मनातील आशेलाही लागू होतो. असंख्य लोक पावसाकडे डोळे लाउन बसलेले असतात. सुरुवातीला जरी पाऊस आला नाही तरी उद्या येईलच हीच "निबर आशा" - "चिवट आशा".
धन्यवाद. 

[मिलिंद कुंभारे]

अप्रतिम कविता........

[विक्रांत]

  ok

[shashaank]

Thanks a lot .........