आई

[vijaya kelkar]

                  आई ....

    रडताच  उमजावे
    आंजारावे गोंजारांवे
    दू-दू लगेच पाजावे
    आई, अशी माझी आई

    स्वच्छ झबले टोपडे
    अंगाभोवती लपेटे
    गात अंगाई थोपटे
    आई, अशी माझी आई

    हसू येता, रडू येता
    घेई मुके येता -जाता
    मायेपोटी अजाणता
    आई, अशी माझी आई
   
    म्लान मुख सांगे तिज
    न बरे जीवास मज
    घालमेल पहा आज
    आई, अशी माझी आई

    छोट्या भावास पहावे
    जणू तो मीच जाणावे
    वाटू लागते म्हणावे
    आई ,अशी माझी आई

    माया ममता तिची
    उपकार असीमची
    होऊ कशी उतराई?
    आई, अशी माझी आई

                             --- विजया केळकर
   
   

[केदार मेहेंदळे]

chan

[vijaya kelkar]

धन्यवाद,
केवळ धन्यवाद पुरेसा नाही वाटत आहे. माझ्या सारख्या नवखीस मोठ्ठाच आशीर्वाद आहे
आपला केदारजी .

[sweetsunita66]

 

[sweetsunita66]

 मस्त

[vijaya kelkar]

  sweetsuneeta66
       धन्यवाद, स्वीट ..