ते दोन दिवस ------------

[SANJAY M NIKUMBH]

ते दोन दिवस ------------
----------------------------------
तू दोन दिवस
कुठे बाहेर गेलीस तरी
अख्खं घर खायला उठतं
तू असशील तेथे
मन वेड्यासारखं
धाव घेत सुटतं ...............

घरातला कोपरा न कोपरा
आसुसलेला असतो
तुझ्या प्रेमळ स्पर्शासाठी
तू नसतेस तेव्हा
घरही नकळत
सूतक पाळत असतं ..........

काळ थांबल्यासारख
ते दोन दिवस
सरता सरत नाही
तेव्हा कळत प्रिये
तुझ्याशिवाय घराला
अन माझ्या मनाला
घरपण येत नाही .

                                  संजय एम निकुंभ , वसई
                                       दि. २६ . ५ . १३