शेजारीण ---- मैत्रीण ---

[vijaya kelkar]

                शेजारीण ----मैत्रीण ----

       रस्त्याच्या कडेवरी ____   राही माझी शेजारीण
       होती झोपडी -झोपडी ___   झोपडीची मालकिण
       भांडी होती ग उपडी ___   ती नव्हती भिकारीण
       चार घरी धुणी - भांडी ___   पोलादी कारभारीण 
       होती हांडी वर हांडी ___   रिकामीच उतरण
       होई चिंध्यांची गोधडी ___   लाजे पाहून शिंपीण
       छान लेकरांची जोडी ___   भारी कुशल सुईण
       मिळे घास, खाई गोडी ___   गात अभंग भक्तीण
       मना जोगी चोळी - साडी ___   घेई-देई बोहारीण
       घट्ट हिरवी बांगडी ___   भरविते कासारीण
       आता लिही बाराखडी ___   साऱ्या सख्या नि  माळीण
       शिकवण घडी घडी ___   देई सई मास्तरीण
       द्वार द्वार ती उघडी ___   शारदेची पुजारीण
       नाही शब्द येत तोंडी ___   कैदाशिण वां वैरीण
       वाचे आवडी ये गोडी ___   जागे हो माय बहिण
       लावी जिव्हाळा बापडी ___   ठेवा सांभाळी मैत्रीण
       गा-गा विजया आवडी ___   जयदीप ओवाळीन .............

                                      विजया केळकर ____
     
   

[rudra]

vijaya.. aashay far chaan aahe....

[vijaya kelkar]

धन्यवाद आणि आभार

[मिलिंद कुंभारे]

छान.....

[केदार मेहेंदळे]

style and shbd rachana avadali

[vijaya kelkar]

  केदार  आणि मिलिंद
     धन्यवाद,पोच देण्यास झालेल्या विलंबासाठी दिलगिरी हं.