निसर्ग छटा

[vijaya kelkar]

                             निसर्ग छटा

                   खारा वारा झोंबतो नारळी पोफळीत
                   नभीचा चंद्र लपतो झावळीत
                   वल्हे घेऊन निघतो नावाडी
                   ललकारी देऊन येतो सवंगडी
                   कडेकडेने लव्हाळी-शेवाळी
                   रवि किरणाने आली झळाळी
                                   गोल बिंब क्षितीजावरी
                                   खळखळ सूर- लहरी
                                   लेणी रेखिली पश्चिमी आकाशावरी
                   केतकीचा दरवळ केतकीवर्ण पर्णांचा गाभा
                   लगडली कदली, लपली स्थूलकाय रंभा
                   करदळी पिवळी विहिरीपाशी अन चाफा
                   रमणीवर या हरित पीत आभा
                                    पालखी दिनमणीची गेली दूरवरी
                                    लंबे झाले चारी भोई
                                    देई दिलासा दशाश्व अंबरावरी .......

                                                             विजया केळकर __

[rudra]

karach far chan rachli ahes kavita......

[vijaya kelkar]

    छान वाटले बरे कां रुद्र ,
पोच लिहिण्यास उशीरच झाला, क्षमस्व

[sweetsunita66]

छान कविता ,आवडली 

[vijaya kelkar]

       धन्यवाद ______/\_____