नाचणारी मुलगी

[विक्रांत]

एका पायावरती नाचत
लहानगी ती थबकत थबकत
चाले आपुल्या नादात
बे दुने चार बेत्रिक बेत्रिक
बोबड गाणं काही गात
एक वेणी सुटलेली 
केसं हि होती विस्कटली
पाठीवरती दप्तर भरली
शाळा नुकती सुटलेली
होतो तिजला पाहत,हासत
मज पहिले तिने वळत
जरा थांबली ती क्षणभर
अन गोड हसली गालभर
मान आपुली तिरकी करत
अमुल्य स्मित मजला देत
मग पळाली वाऱ्यागत
ते स्मित इतके लोभस होत
कि बालपण मम हृदयात
अलगद उमलले झंकारत
कंपणात स्मृती लहरीच्या
मग मीही गेलो तसाच वाहत
एका पायावरती नाचत
तेच तिचे गाणे म्हणत ,
बे दुने चार बेत्रिक बेत्रिक

विक्रांत प्रभाकर             

[sweetsunita66]

छान कविता !!बालपणीचे दिवस आठवले !!
पाठीवरती   हलके दफ्तर होते
कांगारू सम उड्या मारत होते
शाळा आणि घराचा रस्ता,
कविता गिरवीत सारत होते 

[vijaya kelkar]

    छान कविता ........म्हणून नाचत नाचत म्हणावे वाटते ____                    _________
   'छोट्यांना छोटे दप्तर पुरेसे होते
   एका पाटीवर लिहित होते
   लिहिलेले पुसायला बोट पुरायचे
   पाटीच काम करी 'शार्पनरचे'
             शाळा सुटली पाटी फुटली...

[rudra]

krach vikrant chaan kavita aahe....

[विक्रांत]

धन्यवाद ,सुनिता,रुद्र ,विजयाजी

[प्रशांत नागरगोजे]

mast ahe kavita....

[विक्रांत]

thanks prashant

[मिलिंद कुंभारे]

जरा थांबली ती क्षणभर
अन गोड हसली गालभर ....

फारच छान ......अप्रतिम ...... 

[विक्रांत]

thanks milind