ओ- म - न -मो - भ - ग - व - ते - वा - सु - दे - वा - य

[vijaya kelkar]

               ओठात नाम                 ओढ भगवंताची
               मनात भाव                  मग्न बोटं साधकाची
               नयनी मूर्ति शामल          नयनांच्या कोंदणात
               मोती व माणिक लाल       मोरपंख मुकुटात
               भरजरी वस्त्रभूषणे           भद्रासनी विराजित
               गजरे फुले सुवासिक         गळ्यात घाली भाविक
               वदनावरी विलसे             वत्सलता,परमानंद
               तेज:पुंज मुख पहिले         तेधवा सुख बहु झाले
               वाजविता टाळ-टाळ्या        वाजंत्रीही साथ द्याया
               सुदर्शनधारीची स्वारी         सुपर्णावरी पहा या
               देऊळी-राऊळी नको जाया    देही शोधला राया या
               वाचे तुकोबाची गाथा          वाचे बोले ज्ञानोबा-माउली
               'यज्ञ जपाचा' लागे हाथा      यक्षधन हेची, हेची साउली

                                                   विजयां केळकर __
             

[vijaya kelkar]

     प्रत्येक ओळीचे पहिले पहिले अक्षर जोडत जाता ....
   'ओ - म - न - मो - भ - ग - व - ते - वां - सु - दे - वा - य '
     

[sweetsunita66]

very nice :)OM NAMO BHAGWATE WASUDEWAY 

[vijaya kelkar]

   sweetsunita66....
   _______/\_______
नमस्कार व धन्यवाद

[Namdev Kshirsagar]

खुपच छान!
आपण अंत:करणपूर्वक गुंफलेल्या  शब्द सुमनांची माला  भगवंत चरणी वाहिली
याची देही, याची डोळा अस्मादिकांनी पाहिली

[vijaya kelkar]

     नाम देवा वंदून
     भक्तीगीत गाईन
     व्रतबद्ध राहून
     विठूस आळवीन
   
    ज्याचे क्षीरसागरी शयन
      तो उघडील नयन
     (नामदेव क्षीरसागर यांस __ अभिप्रायासाठी धन्यवाद )