तुझे नसणे … स्वप्न अधुरे ……

[मिलिंद कुंभारे]

तुझे नसणे ... स्वप्न अधुरे ......

तुझे नसणे
जगण्यास माझ्या
ग्रहण जसे
स्वप्नवत सारे
स्वप्नातच तुझे भेटणे
अंश मी तुझे
कि माझ्यातच
अंश तुझे
चाहूल तुझी
कि भास मनाचे ......

दिस सरले
ऋतू बदलले
नभ एक चिमुकले
ओंजळीत माझ्या
नकळत  अवतरले
त्याचे बिलगणे
त्याचे खिदळणे
बा~ बा ~ असे
बोबडेच बोलणे
सारेच कसे लुभावणे ......

मज कळेना
तुझे नसणे
खंत असे
कि तुझे असणे
सत्य दुजे
दु:ख अंतरीचे
कि सुख परतीचे
आभास म्हणावे
कि मज आशिष तुझे
क्षण फसवे
खेळ नियतीचे
कि गतजन्मीचे
तुझे, स्वप्न अधुरे ......

मिलिंद कुंभारे

[sweetsunita66]

अतिशय सुंदर कविता 
मज कळेना
तुझे नसणे
खंत असे
कि तुझे असणे
सत्य दुजे
दु:ख अंतरीचे
कि सुख परतीचे
आभास म्हणावे
कि मज आशिष तुझे..........तुझी प्रतिछाया ओंजळीत माझ्या
                                   होईल का मी सांग ऋण उतराई तुझा.......... सुनिता

[मिलिंद कुंभारे]

sweetsunita......फारच छान

तुझी प्रतिछाया ओंजळीत माझ्या ......
गतजन्मी राहून गेले ऋण काही फेडाया ......
पुन्हा लाभली तू मज होऊन एक  प्रतीछाया ......
ऋण फेडण्या हा जन्म माझा पुन्हा तुज मी अर्पिला ....

[sweetsunita66]

मस्त

[vijaya kelkar]

कविता मनास अति भावली
    हासता ओंजळीतली प्रतिसावली
       आभास नाही ही चिमुकली
          सहवास सुखी करील पावलोपावली

[मिलिंद कुंभारे]

हासता ओंजळीतली प्रतिसावली
आभास नाही ही चिमुकली .......

विजयाजी ..
फारच सुंदर ...
प्रतिसादाबद्दल धन्यवाद ....

[पिंकी]

nice....   milind

[केदार मेहेंदळे]

सुंदर कविता 

[मिलिंद कुंभारे]

केदार दादा ...
धन्यवाद ....

[मिलिंद कुंभारे]

धन्यवाद ....पिंकी..